影片
更多
2023-01-09
47 浏览
最近都鍾意左食日式串燒，因為原來選擇都好多種，肉類蔬果類原來都可以串燒，好啱乜都想試下嘅我。今次去旺角威達商業大廈幫襯《燒烤堂》，一到去原來坐位都好多，用左日式串燒店嘅暖色同埋木系設計，比人感覺好溫暖。首先即刻叫番杯Sapporo Premium Draft生啤 $48蚊買一送一真係好抵。焦糖青蘋果鴨肝多士 $88鴨肝都幾厚身，外層煎到金香。鴨肝下就係焦糖青蘋果片，酸酸甜甜可以減輕油膩感。最底層就係法包，三層唔同口感，又脆又入口即溶。提燈 $38一向係高級串燒店先會見到，外型似係一串燈籠咁。提燈其實係雞嘅卵巢同埋未孵化嘅蛋，每隻雞嘅產量都好稀少，食落又有蛋味又有雞肉味。厚切牛舌腩 $48鹽燒嘅厚切牛舌腩，牛味香濃，食落又爽口。豚肉節瓜波板糖 $38用豚肉片包裹住節瓜，外層豚肉片燒到焦香，內層節瓜爽脆。鹽燒豚肉荔枝卷 $22依款用豚肉包裏荔枝，荔枝嘅獨特酸甜會消除油脂味，食落反而好清新。焦糖鰻魚玉子燒 $28玉子一向都好考功夫，佢地煎到軟身又唔會過老，食落微甜又帶蛋香味。中層夾住鰻魚肉，入口帶焦糖味。牛油蜜糖日本蕃薯條 $38一大片牛油係蕃薯條上面溶化，蕃薯條外層香脆，內層又甘甜。黑魚子
首先即刻叫番杯Sapporo Premium Draft生啤 $48蚊買一送一真係好抵。
焦糖青蘋果鴨肝多士 $88
鴨肝都幾厚身，外層煎到金香。鴨肝下就係焦糖青蘋果片，酸酸甜甜可以減輕油膩感。最底層就係法包，三層唔同口感，又脆又入口即溶。
提燈 $38
一向係高級串燒店先會見到，外型似係一串燈籠咁。提燈其實係雞嘅卵巢同埋未孵化嘅蛋，每隻雞嘅產量都好稀少，食落又有蛋味又有雞肉味。
厚切牛舌腩 $48
鹽燒嘅厚切牛舌腩，牛味香濃，食落又爽口。
豚肉節瓜波板糖 $38
用豚肉片包裹住節瓜，外層豚肉片燒到焦香，內層節瓜爽脆。
鹽燒豚肉荔枝卷 $22
依款用豚肉包裏荔枝，荔枝嘅獨特酸甜會消除油脂味，食落反而好清新。
焦糖鰻魚玉子燒 $28
玉子一向都好考功夫，佢地煎到軟身又唔會過老，食落微甜又帶蛋香味。中層夾住鰻魚肉，入口帶焦糖味。
牛油蜜糖日本蕃薯條 $38
一大片牛油係蕃薯條上面溶化，蕃薯條外層香脆，內層又甘甜。
黑魚子蟹肉鱈魚乾 $48
用左鱈魚乾去代替餅乾，上面放左黑魚子同埋蟹肉，好矜貴。
汁燒年糕卷 $26
食落非常軟綿，外層有少少米嘅焦香，咬開有拉絲效果。
孜然蒜蓉茄子 $36
滿滿嘅蒜蓉同埋孜然覆蓋住茄子，茄子肉好多肉汁，食落蒜香味十足，又帶少少辣味。
芝士燒廣島蠔 （兩隻）$48
外層芝士燒到乾身，但係內裡廣島蠔又充滿肉汁。
雞皮墨魚滑$38
都幾特別第一次食
黑糖菠蘿 $20
外層焦脆黑糖，必點！
甜奶牛油包 $18
超級邪惡！而且佢哋包入邊有芝士！
✨人均400
如果唔想錯過其他好介紹，記得follow我呀😘
多謝大家！！！
张贴
