牛惣居酎屋

营业中

休息中

銅鑼灣美食多，今晚就同老婆去左間日本居酒屋，搵到驚喜的回憶😊。去得居酒屋，自然要飲下清酒，點了杯咖啡味的，飲落清純，飲完之後口腔既咖啡味就出黎，而且好香，酒精蒸發將咖啡香谷上鼻，感覺好正🤭。再來有刺身（海膽、三文魚、油甘魚、帆立貝、赤蝦）各樣都好新鮮，海膽配青瓜加紫菜，的確美味😋。之後串燒出埸，這個牛骨髓串燒的確出色，平時軟瀨瀨的牛骨髓燒到好堅挺，再加少少酸汁蘿蔔蓉，夾香蔥食，口感好豐富🤭。再來有牛沙瓜（第四個胃）有點食牛腩的口感，燒得好淋，但又有軟骨的咬口😋係得👍🏻。再來還有橫格肌+4種醬料（黑燒、蜜糖、wasabi、蒜香）由最淡的黑燒食起，最濃味為蒜香，我老婆就最鍾意蒜香，好夾食牛🙂。最後來個芝士燒蠔，賣相靚，又燒到脹卜卜，食落去爆汁🤣整體都非常滿足，尤其是居酒屋哥哥非常有禮貌，又用心介紹每一道菜色👍🏻👍🏻。