黑木亭居酒屋 (金馬倫道)

黑木亭而家有$198串燒任食，加$98 就可以有埋飲品放題，同太太兩個慢慢燒，慢慢飲，滿足感勁爆！✨ 最愛串燒推介榜 ✨•黑豚荔枝卷：甜甜哋荔枝肉同咸香黑豚出奇地match，咬開有果香爆汁，超驚喜。•燒汁牛肉金菇卷：燒汁帶少少焦香，牛肉包住啲金菇絲絲入扣，鹹香啖啖都唔會膩。•雞軟骨串：爽脆得嚟唔會太硬，鍾意啲咬口位一定中意！•黑松露白汁燒蠔：口感 creamy，松露香滲入蠔肉。🍢 其他串燒兵團：雞皮香脆唔油膩、雞腿肉嫩滑、五花腩油花平均，燒到剛剛好；脆燒豆腐外脆內滑。🍠 小食：牛油蕃薯香甜綿滑，燒完更突出本身甜味；黑糖燒菠蘿就係甜品咁嘅存在，甜中帶炭香。🥤 飲品放題：配住串燒，任飲真係正！有啤酒、有茶、有汽水等等。總結：黑木亭無論選材定味道都做得唔錯，價格合理，服務又親切，我地去果晚都爆場。推薦比大家！