影片
更多
2021-07-21
157 浏览
上次係度食過廚師發辦，今日又黎再試佢既另一個區，就係串燒區喇！呢度食串燒既set係有兩個既，都係同價，分別係一個有燒飯團＋麵豉湯＋六款串燒，一個有烏冬＋刺身＋三款串燒。同女朋友黎食當然每人都揀左一款啦。先黎一個蒸蛋。個蒸蛋入面唔單止有隻蝦，而且仲有大大份蝦膏係入面，食完覺得個口有好香好濃郁既蝦味。之後有份豚肉沙律同埋一碟有荀，紅蘿蔔同埋肉粒既小前菜，全部都好新鮮，片豚肉薄薄地但都好juicy。然後再黎有刺身三款，分別係吞拿魚、油甘魚同章紅魚，都幾靚，唔會有雪味，魚肉鮮美。入直路食串燒喇，第一碟係雞翼同黑豚腩。黑豚腩燒得有油香得黎又有少少脆，好完美；雞翼已經拆左骨，食得好方便。之後有雞腎同雞心。雞腎個樣同平時食開果Ｄ有Ｄ唔同，唔係原舊串起而係切開左，所以燒得好均勻，同時唔會太熟太韌；雞心超好食，佢好似空心咁，入面鎖住哂Ｄ肉汁，流心牛丸咁，又有少少彈牙。之後有雞尾同雞軟骨。我從來都唔知原來雞尾呢個位都有得食，原來係食個軟骨位，不過呢個相對雞軟骨有冇咩皮肉食，但覺得都好特別。然後黎左一個燒年糕同甜薯，唔知咩原因冇燒飯團用左燒年糕代替，一食發覺竟然勁好食，味道係年糕味，但口感好幼細，唔係一般年
呢度食串燒既set係有兩個既，都係同價，分別係一個有燒飯團＋麵豉湯＋六款串燒，一個有烏冬＋刺身＋三款串燒。同女朋友黎食當然每人都揀左一款啦。
先黎一個蒸蛋。個蒸蛋入面唔單止有隻蝦，而且仲有大大份蝦膏係入面，食完覺得個口有好香好濃郁既蝦味。
之後有份豚肉沙律同埋一碟有荀，紅蘿蔔同埋肉粒既小前菜，全部都好新鮮，片豚肉薄薄地但都好juicy。
然後再黎有刺身三款，分別係吞拿魚、油甘魚同章紅魚，都幾靚，唔會有雪味，魚肉鮮美。
入直路食串燒喇，第一碟係雞翼同黑豚腩。黑豚腩燒得有油香得黎又有少少脆，好完美；雞翼已經拆左骨，食得好方便。
之後有雞腎同雞心。雞腎個樣同平時食開果Ｄ有Ｄ唔同，唔係原舊串起而係切開左，所以燒得好均勻，同時唔會太熟太韌；雞心超好食，佢好似空心咁，入面鎖住哂Ｄ肉汁，流心牛丸咁，又有少少彈牙。
之後有雞尾同雞軟骨。我從來都唔知原來雞尾呢個位都有得食，原來係食個軟骨位，不過呢個相對雞軟骨有冇咩皮肉食，但覺得都好特別。
然後黎左一個燒年糕同甜薯，唔知咩原因冇燒飯團用左燒年糕代替，一食發覺竟然勁好食，味道係年糕味，但口感好幼細，唔係一般年糕果種煙韌既質地，但又未到好似薯蓉咁完全冇韌性。
再黎就有個雞頸，食開屋企飯我以為雞頸都係冇咩肉，點知呢串雞頸都幾多肉食，其實有Ｄ似食雞皮，都好多汁。
最後一個串燒有個味噌雞胸，滑到好似豆腐咁，唔講真係唔覺得食緊雞胸，再加埋香濃既味噌，作為一系列串燒既句點真係冇得彈。
之後再黎一個烏冬，天氣咁熱我地就揀左冷烏冬，清涼又好味。
再黎一個麵豉湯，有兩粒顏色幾靚既小丸子做陪襯，嘗心悅目。
最後有個甜品同咖啡，賣相好好之餘都幾好味。
张贴
