Yaki Biru (已結業)

食完晚飯又未想返屋企住，但係又唔想食甜品所以就同朋友搵地方吹水，行過見到呢間居酒屋幾有feel所以就入咗去食串燒。我哋叫咗幾款串燒，在帶咗兩杯飲品，咁就吹左幾個鐘頭水，呢度好似日本上班族放工之後食晚飯嘅居酒屋，而且環境都幾好，又唔會太嘈，適合同朋友傾計嘅地方，同埋嘢食真係有水準，係屬於慢工出細活嗰種，要比少少時間等。沖繩燒菠蘿＄15，一咬落去真係勁juicy,好多汁，菠蘿本身帶有甜味，師傅在喺上面落鹽，甜中帶鹹，幾特別的口感七味黑豚腩串＄20，七味粉滿都係豬肉上面，咬開嘅時候豬肉腩肉好夠油份，半肥瘦嘅豬肉，配上七味粉，帶有辣味。一口牛＄25，相當有驚喜，咬落去嘅時候，牛肉味好重，而且唔會鞋口，Size剛剛好，而且調味咁好，唔會搶走牛肉嘅味道，呢個值得推薦鹽燒牛舌＄45，呢款就味道重啲，適合配啤酒，薄切牛舌，燒得啱啱好，上面灑上黑椒，更加帶出牛肉嘅味道雞腎串＄18，雞肉喺牛肉嘅比較下，就未見突出，雞腎好有咬口，味道唔會太濃叫咗兩杯梳打特飲，分別係檸檬味和蜜糖味，個人推薦蜜糖味，飲落帶少許甜味，但又不會太甜，檸檬味適合鍾意酸嘅朋友，各有愛好。