碗盛 (已結業)

呢一間餐廳一入到去已經好有日式嘅感覺，仲要咁啱我哋坐正嘅位係房入面，好似去咗日本咁🤩餐廳食物種類選擇好多，嗰日覺得最好食嘅係佢嘅油金魚鮫，差唔多有成隻手咁大，而且佢燒得好入味，入面嘅魚好滑身，尤金魚香好出。餐廳都主打係食串燒，佢哋嘅白鱔同牛小排都唔錯，白鱔食落口味道好鮮，因為唔係好似鰻魚咁用一啲醬汁去烹調，所以食落口先食到佢嘅原汁原味。牛小排亦都可以配佢嘅蘿蔔蓉醋，味道都幾夾。呢度嘅芝士年糕真係超級好食，平時我都唔係好食年糕，就係呢一度嘅芝士年糕燒得好好食，啲芝士一咬落口係流心嘅！你呢度食串燒之外就梗係要配啤酒啦，啤酒價錢都唔算好貴，asahi生啤勁大杯，要飲到不醉無歸先得。呢度嘅長崎拉麵上面嘅蝦非常有咬口，好彈牙，而且佢嘅面質都好爽口，喺呢間餐廳食一定夠晒飽，夠晒滿足！