呢間居酒屋好有氣氛，入到餐廳之後見到好多人都叫木桶龍蝦飯，但係今日想輕食少少，下次先來試吓啦
冰燒菠蘿🍍燒菠蘿同菠蘿冰就食得多啦，冰燒菠蘿真係第一次，呢排天氣咁熱食串凍菠蘿做開胃菜就啱哂！
流心芝士玉子燒
玉子蛋香配上木魚 沙律醬同醬油，內裡芝士每件都流心🥰好滿足！
串燒嘅部份好令我覺得驚喜😀
雞腿肉好Juicy, 肉質香嫩！每啖都充滿肉汁！
我平時少食白鱔，因為怕多骨，今日朋友想食就點一串Share! 食落又真係冇乜骨，白膳肥美，魚皮煎到好香脆，相信花左唔少功夫
第一次食黑豚荔枝卷，荔枝又甜又多汁
配搭黑豚肉一齊食，更帶出豚肉味😍Encore!!!
來到了今天的重點推介！呢個牛油芝士鐵板帶子係出乎意料地好好食！必食！
帶子每粒分量十足，餐廳毫不吝嗇，用牛油炒菇再加上芝士⋯⋯芝士拉絲帶子雖然好邪惡，但因為好好食，叫我食完再食多一碟都得！下次黎一定會再叫！
飲品方面，餐廳一啲都唔馬虎，朋友嘅北海道士多啤梨牛乳乳酸味道酸酸甜甜好開胃
而我點既蜜桃烏龍紅茶，茶味濃之餘又唔太甜～可以解膩～
呢兩杯飲品超級好打卡！上面嘅熊熊冰真係好可愛！睇住佢浸下浸下，呢餐食得好愉快！
餐廳好有氛圍，暫時唔去得旅行住，嚟居酒屋食下飯止下日本癮都唔錯🥰
