古今二 (荃灣千色匯I) (已結業)

喺千色匯行街行到餓，唔覺唔覺已經六點幾，過左堂食時間。不過就算係外賣都阻唔到我食好西嘅決心😈！想食日本野，就去左一間叫「古今二」嘅餐廳。呢度有好多款式嘅卷物，嗌兩個試下先。大將軍大大件，份量十足。雖然簡單但越簡單嘅野就越難做得好。大將軍有蟹柳、玉子、海帶同牛油果。海帶爽脆。蟹柳同玉子大大粒。加上牛油果，感覺清新健康。金龍卷用芝士、炸蝦同三文魚製成。三文魚夠新鮮，同芝士嘅味道好夾。炸蝦炸成金黃色，食落脆卜卜。炸蝦尾就好似條龍嘅尾巴。真係名副其實嘅金龍卷！除左卷物重有串燒、鍋物等。分別嗌左三款串燒：網燒牛舌、黑豚荔枝卷串燒同埋茄子燒。網燒牛舌👅厚切嘅牛舌好有口感，好肥美🤤，油香十足！旁邊重有調味料，酸酸地又有d麻醬味，好特別啊！點埋同牛舌一齊食，因為有d酸味，可以減輕油膩感。黑豚荔枝卷串燒豬肉包住荔枝，甜甜嘅荔枝同脂香嘅豬肉竟然出奇地夾，荔枝好多汁。茄子燒加左蝦乾，超香！茄子夠厚，唔會燒到乾爭爭，重保留到水份。一粒粒蝦乾口感脆，為腍身嘅茄子添上口感。蝦乾嘅鹹香亦為本身無味嘅茄子添上味道。今晚真係凍左好多！好想食d熱辣辣嘅野啊！而且成日嗌外賣，少左食菜，就嗌個鍋物——野菜鍋清下腸胃啦！野菜鍋