南亭 (士丹頓街) (已結業)

呢度本來在現址對面，沙士來輪結業，最近又開番。現在舖面裝修與往時一樣，只是面積少了一倍，但居酒屋，係暗暗地細細間至入型入格。檯看似幾好坐，但張似乎就太低了一點。尋日約了舊拍檔來食飯，一點幾都唔算太多人。午市餐牌同以前舊舖好似分別不大，仍有幾款便當，同個雜錦串燒定食，見有好幾款十蚊串燒，所以不叫雜錦串燒，我們就叫了個燒牛肉便當及牛利便當，加多幾串串燒，有白果、蕃薯、青椒、雞軟骨等。便當份量都算足夠，飯一堆，米黏性高，也算不差。燒牛肉兩串，燒汁濃濃的，牛肉肉質不算很好，還是牛利好味一點；幾串串燒都是鹽燒，仍能保持以往水準，吃得出年青的師傅手勢不差。其中尤以甜美的蕃薯及白果最正，十蚊一串都食得過。連味噌湯及餐後的雪米滋，埋單二百多。食物有水準，好傾好坐，值得一試。