岳川串揚 (已結業)

呢間新開嘅串揚專門店，啱啱新裝修好，店員好有禮貌會主動介紹菜式。而且坐喺路旁邊嘅花枱仲可以睇到佢燒烤同埋炸嘢嘅過程，十分之療癒。全部食物都係即叫即炸或者燒，香脆雞翼（$25）大大隻超級多汁，加埋特製嘅醬汁好惹味。另外露筍（$32）同埋前菜嘅蕃茄蒜香沙律（$48）都好新鮮，前者好大條好爽口，後者有成個蕃茄嘅份量，加埋蒜頭同埋蔥仲有醬汁，真係別有一番風味。講到我最鍾意嘅係串燒牛舌心（$32）熟度啱啱好，又軟熟又香口。