三星台菜食堂 (新城市廣場一期) (已結業)

新城市廣場耐不耐就會有新餐廳進駐，今日睇戲前就近近地塭左間就腳既餐廳幫襯下喇。牛肉麵有三個湯底比你選擇，分別有紅燒、番茄、麻辣。最後就叫左紅燒牛肉麵、蒜泥白肉、滷水豬腸、真的好蝦捲。紅燒牛肉麵份量都可以接受，味道就普普通通無咩特別之處，不過如果可以平返幾十蚊就無得頂喇。小食方面 : 滷水豬腸、蒜泥白肉、真的好蝦捲都係普通貨色可以不用叫，而且小食偏向細碟同都成 50 蚊碟左右，差不多叫多個麵都得。 😂 😂整體黎講中規中矩，不過食品價錢就真係偏貴左少少，不過無辦法商場租貴，最終受害者都係顧客。😭 😭