越湯 (已結業)

本人都食過都算多間越南河 見中午有時間便同同事一齊前來進餐 裝修企理 餐具同埋擺盤都有特色 等咗15分鐘就有位 我叫做$68 火車頭和牛湯河 認真講擺盤相當靚 湯底，我覺得比較清淡 因為我覺得牛骨湯喺越南河嘅精髓 湯底做得好 都唔會差得去邊 今次呢碗越南河個湯底 都清新，但係就有少少淡口 牛肚牛柏葉 味道都係一般般 牛腩同牛丸中上 最交到功課都係和牛 佢入口即溶 食落去，油花均勻 整體中上 環境都係乾淨 如果喺附近可以試吓 特登搭車嚟食，就要再諗諗 如果湯底濃多少少會好啲 相信會有進步