夜梟 (已結業)

下層Bar 有中式cocktail 上層餐廳 裝修好靚 入到去好有mood 成個theme好中式但睇個mood就好西式 幾得意 中西fusion 服務好好 啲人好nice 啲食物唔只個名有驚喜 連食落都有驚喜一樣都係個名中式但出到黎個樣係西式沙律 : 鹹魚白菜個各好中式 但係其實係用海膽同海藻整既沙津 不過又真係有咸魚仔嫁wo  真係古佢唔到 又真係幾夾湯：花膠響螺龍蝦湯 睇落似普通龍蝦湯 原本啲花膠溶咗係湯入面 好香甜前菜： 無花果法國鵝肝 唔錯 鵝肝煮得剛剛好 同無花果好夾主菜 ： 西門慶水煮三文魚 幾嫩口 個辣大部份人都應該食到 因為唔會十分辣 唔會覆蓋咗啲魚味 好易入口菠蘿咕嚕慢煮牛小排 個貌相睇落去好似熟過頭 以為會好dry好嚡 但其實入面好嫩口好juice  配埋啲菠蘿醬咕嚕醬 酸酸甜甜 好開胃黑毛豬黑松露意大利飯 個飯有些少濕 但真係好香黑松露味甜品：燒咖啡酒棉花糖個賣相好似主菜但係原來係唔係，係燒過既棉花糖，外脆內軟，沾埋側邊綠色果啲開心果醬仲正 一啲都唔會太甜 必吃🖒🖒總括配埋支酒就perfect 法國大餐feel見有好多特色飲品cocktail 同埋陳皮啤，下次要試