2nd Draft

营业中

休息中

已經幾年無嚟過second draft 食嘢啦，之前係去大坑嗰間，原來宜家銅鑼彎都有分店，所以食晚飯chill下。叫咗一杯contemporary pilsner、一杯cha chaan teng、大坑薯條、啫啫雞翼煲、炸雞塊、腐乳卡邦尼同埋咖央西多。Contemporary Pilsner - 清新啤酒花味，回甘持久。Cha Chaan Teng - 茶餐廳？雖然叫做茶餐廳，但係佢其實係一杯鹹青檸啤酒，第一啖入口有少少好似一種草本味，之後就滲出淡淡酸味，易入口幾得意好飲。大坑薯條 - 用咗孜然、高菜、辣椒乾，幾香兼幾辣，如果你覺得辣嘅時候，佢跟咗一個高菜嘅沙律醬俾你點嚟食，可以減低辣之餘，多咗一種口味。啫啫雞翼煲 - 用咗自家製嘅水牛雞翼醬，再加上唐芹嘅香味，最特別係佢用咗藍芝士，我本身超愛藍芝士，味道唔會突兀，而且幾夾添，yummy !炸雞塊 - 用上三黃雞塊，伴南乳醬，以上呢三款食物都好適合配搭啤酒👍🏻腐乳卡邦尼 - 好明顯腐乳就係取代咗芝士嘅地位，更加香濃，仲好似多咗一份酒味。咖央西多 - 咖央釀咗喺多士入面嚟到炸，加上啤酒糖漿，然後再加上海鹽雪糕，上面再灑上椰絲。