街坊Cafe (已結業)

今日同朋友去旺角買完嘢，開始肚餓所以去女人街附近搵嘢食。喺途中發現有一間餐廳叫街坊cafe，望一望門口嘅餐牌發現價錢合理，所以決定入去試下。我哋六點鐘去到人數唔算太多，好快坐低左，仲發現有好多港式壁畫。鍾意食蠔嘅朋友絕對不能錯過。餐牌上嘅所有菜式賣相都相當吸引。仲有二人餐可供選擇。素鮑參傳統雞骨碗仔翅，第一次食加咗鮑魚同海參嘅碗仔翅，真係非常矜貴，而且碗仔翅非常足料，味道唔太濃，加醋之後味道一流。街坊星級優惠只需加＄38就可以有極上龍蝦湯同咖啡或茶，龍蝦味非常濃郁。鮮蝦菠菜河粉好特別嘅配搭，蝦大隻之餘仲爽口彈牙，用菠菜煮嘅河粉入口非常清新，河粉用上西式嘅煮法好友中西合璧嘅感覺。燒西班牙黑毛豬，黑毛豬非常厚身，用平底鑊上，平底鑊本身嘅熱力令溫度得以保存，咬落好林身，而且肉質嫩滑，配菜非常野味，薯條亦好脆。抹茶吉士雞蛋仔伴雪糕，最驚喜嘅甜品，傳統嘅雞蛋仔加上抹茶吉士，底層有棉花糖，再加上凍冰冰嘅雪糕，一冷一熱配合得天衣無縫。花茶配上蜜糖，增添左花茶嘅風味，櫻花咖啡咖啡嘅味道非常濃郁。