中華小館

营业中

休息中

先試一個小食雙椒糖心皮蛋，皮蛋真係糖心，特別甘香，味道特別濃，亦都食得出有啲creamy，再加埋青椒花椒，辣辣地，都幾惹味！之後食埋呢個黃金笑哈哈，係黃金鍋巴拼乾燒明蝦，鍋巴炸得好脆，一咬就索索聲，有啲蛋黃醬去點住食，好香濃嘅蛋黃醬，超級香口，大蝦亦都煎得好香，啱啱熟，啲蝦肉好彈牙，酸酸地甜甜地，味道好好，同鍋巴好夾！仲有叫佐惹味小炒皇，係一個好傳統嘅小炒皇，好多海鮮嘅材料，魷魚鬚好大條，好彈牙，蝦干都好有咬口，又夠晒鹹香，成碟都好好食！最後叫多個肉，醬烤欖角骨，依個嘅擺碟好靚，啲欖角骨用新鮮嘅豆苗圍住，每一嚿都好大嚿，亦都好香脆，肥瘦比例又啱啱好，肉質軟嫩，仲有啲三色椒點綴，好得！