中華滙館 (已結業)

如果唔係朋友帶我黎，我係唔知依度有間中菜館。餐廳睇落去好細，但圍住旁邊係有幾間套房，相對私隱度較大。我地點左紅燒鴿腿、湖南小炒同竹笙鴛鴦卷。紅燒鴿腿：鴿腿肥而短少，內裡釀入好多燕窩同鴿肉碎。鴿肉比例上為少，即係好多燕窩碎。用刀砌了一口，“卡”一聲，皮脆香口，食了一口，口內啖啖肉同燕窩碎。湖南小炒：有豬頸肉，紅青同辣椒。豬頸肉爽口，夠腍，有鑊氣。食得辣既人唔覺太辣，好香，易入口。竹笙鴛鴦卷：白是蛋白，黑是黑松露，配上冬菇醉。白有點膩，反而黑有點清。