甜椒醬蟶子皇
開場已經令人眼前一亮。蟶子肉肥美鮮甜，既清新又開胃，為呢場饗宴打開完美序幕。
前菜三弄
百香梅茄入口係酸酸甜甜；三絲海蜇爽脆彈牙；而花雕浸鮮蝦則最搶眼，蝦肉鮮甜得嚟仲帶住花雕嘅濃烈酒香。
杏汁肆菓燉螺頭湯
湯底用杏仁熬成，入口濃郁香滑，加入西瓜、哈密瓜、木瓜、冬瓜，非常清新，螺頭鮮甜，加埋淡淡果香，由心入面感覺滋潤。
蟬衣玉帶
將創意發揮到極致，大大粒嘅帶子煎到外層微焦，內裡鮮嫩多汁，仲鋪上香脆嘅芋絲，口感層次豐富。
珍寶珠 (番石榴沙冰)
中段特式甜品，沙冰帶微酸，桃膠香甜滑口，細細一碗剛剛好，令人期待之後嘅主菜。
海苔蔥燒銀鱈魚
銀鱈魚炸得外脆內嫩，海苔同蔥嘅香氣滲入魚肉，簡單而出色。
荷香子薑欖豉醬蒸雞
荷葉香氣撲鼻，雞肉嫩滑，子薑嘅微微辣勁令味道更加立體。
魚香手功寬麵
手工製麵條煙韌得嚟吸晒茄子醬嘅濃郁味道，微辣，啱啱好為整餐畫上句號。
香芒雪燕烏豆花
滑溜嘅豆花搭配清甜嘅芒果，仲有雪燕嘅Q彈口感，係一個令人滿足嘅結尾。
