CaN LaH

营业中

休息中

中環區一向都係美食嘅必爭之地，尤其是係餐廳林立嘅IFC。今次我就到訪位卡IFC嘅「CaN LaH 」品嚐一下星馬菜嘅極致享受。眼淚蝦棗製作過程所加入嘅洋蔥會令廚師流眼淚，所以就叫眼淚蝦棗。外層酥炸香脆，內層佢手剁蝦肉夠濕潤又彈牙。老隆藥膳肉骨茶顏色會比坊間見到嘅淺色，遠遠地已經聞到蒜蓉同埋胡椒嘅味道。湯底藥材味唔會太重，入面仲有煮到入哂味嘅肉排，絕對係真材實料。百香果沙律蝦球蝦球就食得多，但係配搭百香果就好少見。蝦肉彈牙同時又有微酸嘅味道。砂勞越黑胡椒焗螃蟹選用大隻嘅肉蟹配搭黑色嘅砂勞越黑胡椒，蟹肉啖啖肉又鮮美，而黑胡椒夠入味又帶番啲層次出嚟。正宗海南麻雞海南雞連雞皮都夠嫩滑，配搭3款醬汁，啖啖都係雞肉嘅肉汁。四大天皇聽過名未必知係乜，其實係四款唔同嘅蔬菜，夠哂鑊氣。我自己就鍾意叫番啲粉麵，不仿可以試下怡保乾炒海鮮米粉和薑蔥滑蛋生蝦麵。我自己就最鍾意炸到香脆嘅生蝦麵。甜品不妨可以試吓原個雪燕香芒椰子盅，矜貴嘅雪燕配搭香甜嘅芒果同埋椰子，絕對係夏日消暑佳品。