影片
更多
2021-06-16
76 浏览
餐廳環境好闊落，一入去最搶眼係墨綠酒吧位同大玻璃窗嘅手繪畫，中西合壁，果然係出名賣「鬼佬涼茶」嘅地方 。 巨大泡芙( 菊花芝士忌廉、蜜糖蝶豆花) $98 呢度啲甜品超得意！左揀右揀之下就叫咗呢款。賣相幾靚，兩個泡芙用點心籠裝住，好別緻。最鍾意啲cream 騰騰震好似souffle pancake咁好治療，我玩咗好耐，不過食落就覺得cream嘅比例可以低一啲，咁就無咁膩。上面藍色嘅「毛毛」係蜜糖蝶豆花味，甜甜哋，點解會諗到呢個配搭咁神奇呢~ 下次我會想試吓烤金文畢芝士。24小時慢煮伊比利亞叉燒飯 (+豬油撈飯、煎蛋、韓國紫菜) $178叉燒半肥瘦，腍得嚟個邊燶燶哋 (我最愛) 😋，私心覺得如果有蜜汁就更加好喇~ 至於飯呢，每啖飯都有豬油包住咁，食得出油香但偏濕，撈埋太陽蛋蛋汁同紫菜，好似食緊韓式拌飯咁！個飯加咗韓國紫菜係絕配，不過如果再熱少少會香啲！ 黃金脆炸雞 $78熱辣辣嘅炸雞，加上比平時酸一啲嘅酸甜醬酸，味道對版，開胃小食！ 飲品嗌咗Dirty 同 Cappuccino，味道同平時cafe差唔多，呢間餐廳無論你想飲啡定啤都滿足到。😂 我同fd下午2點幾去到，坐靠窗位好開揚好c
餐廳環境好闊落，一入去最搶眼係墨綠酒吧位同大玻璃窗嘅手繪畫，中西合壁，果然係出名賣「鬼佬涼茶」嘅地方 。
巨大泡芙( 菊花芝士忌廉、蜜糖蝶豆花) $98
呢度啲甜品超得意！左揀右揀之下就叫咗呢款。賣相幾靚，兩個泡芙用點心籠裝住，好別緻。最鍾意啲cream 騰騰震好似souffle pancake咁好治療，我玩咗好耐，不過食落就覺得cream嘅比例可以低一啲，咁就無咁膩。上面藍色嘅「毛毛」係蜜糖蝶豆花味，甜甜哋，點解會諗到呢個配搭咁神奇呢~ 下次我會想試吓烤金文畢芝士。
24小時慢煮伊比利亞叉燒飯 (+豬油撈飯、煎蛋、韓國紫菜) $178
叉燒半肥瘦，腍得嚟個邊燶燶哋 (我最愛) 😋，私心覺得如果有蜜汁就更加好喇~ 至於飯呢，每啖飯都有豬油包住咁，食得出油香但偏濕，撈埋太陽蛋蛋汁同紫菜，好似食緊韓式拌飯咁！個飯加咗韓國紫菜係絕配，不過如果再熱少少會香啲！
黃金脆炸雞 $78
熱辣辣嘅炸雞，加上比平時酸一啲嘅酸甜醬酸，味道對版，開胃小食！
飲品嗌咗Dirty 同 Cappuccino，味道同平時cafe差唔多，呢間餐廳無論你想飲啡定啤都滿足到。😂
我同fd下午2點幾去到，坐靠窗位好開揚好chill，員工都好有禮貌~ 缺點係餐廳冷氣太凍，令嘢食凍得好快😢 建議較到無咁凍，咖啡/啤酒會更多人嗌呢~
何蘭正 (中環)
地址：中環雲咸街29號東方有色大廈2樓
张贴
