Jam Bakery (已結業)

上星期0黎到摸了門釘, 趁今日又有得去大坑搵食, 當然入0黎睇睇. 左揀右揀, 叫了個Double Layer Mango Cheesecake ($26) 堂食試試.Serve 時係用紙碟的, 供應的係膠叉, 雖然唔環保, 但呢度明顯係做take-out 生意多, 算啦. 件cake 話明double layer, 果然有兩層-- 上層係mango cheesecake, 下層就係「原味」cheesecake, 令人諗起「退步前」中環Sweet Secrets 的Secret-O cheesecake (詳見我的2005 年9 月30 日食評)... 質感幾軟滑, 上層芒果味(唔artificial 的) / cheese 味50:50, 下層芝味濃郁, 兩層一齊食的話一樣食到層次, 唔會芝味蓋過芒果味咁, 好食! 面頭的芒果亦又甜又多汁, 意料之外; 朱古力裝飾就真係純為裝飾, 可以唔理. 整體非常唔錯, 嗜cheesecake 或芒果cake 的, 值得試試!鋪位好細所以得0個幾(木凳)仔, 不過環境唔錯, 裝修好靚, 橙橙黃黃綠綠咁, 令人覺得精神又開心, 相信小朋友會