影片
更多
2023-08-25
34 浏览
上星期同朋友試咗喺今年年頭先開張嘅中環鮨店「天希」，佢係尖沙咀「天沢」嘅姐妹店，食材同樣高質新鮮，而環境簡約雅致😌 我哋食咗lunch omakase，價錢唔算好貴，$680就食到13款唔同嘅當造壽司🤤🍣 壽司十三貫 $68✨ 水果蕃茄嚟自日本嘅水果蕃茄味道較甜唔酸，加上少少淡雪鹽，食落更顯清甜，係非常開胃嘅先付！✨ 辛筋子茶碗蒸第一次見茶碗蒸有咁多筋子😳 呢個筋子帶少許辣味，可以癖腥之餘仲特別惹味，而個蒸蛋非常滑溜，忍唔住一啖接一啖咁好快食晒！✨ 天然真鯛第一件壽司係嚟自福岡縣嘅真鯛，白身魚本身味道較淡，所以師傅特意加上海藻鹽同青檸汁作調味，令佢食落清新啲😌✨ 深海池魚深海池魚嚟自豐後水道，同樣都係白身魚，口感較爽身，魚味濃郁啲，而油份亦多啲啲，再配上自家調製嘅醬油，味道非常夾😋✨ 白蝦呢件壽司都幾震撼，佢係由20-30隻嘅富山灣白蝦組成，口感非常豐富🤤 再配上柚子皮同醬油，食落好鮮甜好清新！✨ 池魚跟住係京都嘅池魚，魚味濃郁啲，肉質就較腍身，面頭加咗九洲博多萬能蔥蓉，入口超級香🥺 非常鍾意呢個配搭！✨ 赤貝赤貝係我最鍾意食嘅貝類，而呢度嘅赤貝幾大塊，非常鮮甜爽口，輕輕加上少許was
🍣 壽司十三貫 $68
✨ 水果蕃茄嚟自日本嘅水果蕃茄味道較甜唔酸，加上少少淡雪鹽，食落更顯清甜，係非常開胃嘅先付！
✨ 辛筋子茶碗蒸
第一次見茶碗蒸有咁多筋子😳 呢個筋子帶少許辣味，可以癖腥之餘仲特別惹味，而個蒸蛋非常滑溜，忍唔住一啖接一啖咁好快食晒！
✨ 天然真鯛第一件壽司係嚟自福岡縣嘅真鯛，白身魚本身味道較淡，所以師傅特意加上海藻鹽同青檸汁作調味，令佢食落清新啲😌
✨ 深海池魚
深海池魚嚟自豐後水道，同樣都係白身魚，口感較爽身，魚味濃郁啲，而油份亦多啲啲，再配上自家調製嘅醬油，味道非常夾😋
✨ 白蝦呢件壽司都幾震撼，佢係由20-30隻嘅富山灣白蝦組成，口感非常豐富🤤 再配上柚子皮同醬油，食落好鮮甜好清新！
✨ 池魚
跟住係京都嘅池魚，魚味濃郁啲，肉質就較腍身，面頭加咗九洲博多萬能蔥蓉，入口超級香🥺 非常鍾意呢個配搭！
✨ 赤貝赤貝係我最鍾意食嘅貝類，而呢度嘅赤貝幾大塊，非常鮮甜爽口，輕輕加上少許wasabi就已經好好食😳
✨ 梭子魚
第一次食梭子魚，係嚟自大分縣嘅深海白身魚，肉質同樣較腍，師傅將佢輕輕炙燒咗，魚嘅油脂滲哂出嚟🤤
✨ 赤身嚟自波士頓嘅赤身，師傅以醬油漬製成，調味簡單，但魚味非常濃郁👍🏻
✨ 拖羅
同樣嚟自波士頓，就咁睇賣相已經好靚😌 面頭搽上少許醬油作調味，入口即溶，油脂爆發，超肥美🤤
✨ 新鮮帆立貝北海道產嘅帆立貝超大粒😳 食落十分新鮮肥美，師傅加上青檸汁同鹽，令帆立貝更加鮮甜！
✨ 紫海膽師傅拎出一大板宮城縣紫海膽，每嚿都非常飽滿有光澤😆 望見都流口水！而口感入口即溶，味道較清甜，最後仲有少少回甘🤤
✨ 黑鯥
嚟自江之島嘅深海魚，食落油脂感較重，師傅輕輕以備長炭燒過，食落除咗油香外，仲帶有炭香，幾特別👍🏻
✨ 鯖魚棒卷
呢個棒卷手工繁複，以和歌山嘅鯖魚做base，加入芽蔥、紫蘇葉、黃蘿蔔粒、白板昆布係面，口感非常多層次，食落酸酸甜甜，好啱夏天食😋
✨ 吞拿魚蓉手卷
以赤身再加拖羅製成吞拿魚蓉，再加入青蔥同芝麻，食落蔥味好香，更能減低魚身嘅油膩感，個人非常鍾意🤩
✨ 布甸蛋以蘭王蛋、蝦蓉、蜂蜜同調味料隔渣蒸，再冷卻而成嘅布甸蛋，食落帶有好濃蝦味，口感好creamy，好有創意嘅甜品😋
✨ 蜆湯
以沙白同清水煮成嘅蜆湯，入面加咗花甲肉同河豚蔥，飲到蜆嘅鮮甜味，趁熱飲超正！
✨ 雪糕/雪葩
最後以開心果雪糕同白桃雪葩作結，開心果味濃郁，白桃味則夠香甜清新😌
👉🏻同你一齊搵更多好嘢食😋
张贴
