珺

营业中

休息中

朋友特別約我來中環食齋菜，我以為又係普通齋菜館，來到後才發現餐廳裝修雅致，需要開業不久，但因為食物水準高，中午都經常爆滿，一定要預定，確保唔會冇位。佢哋嘅碟好有特色，中式鴛鴦設計，原來亦都代表左佢哋嘅菜式，中西fusion 素菜。今日叫了一個2人套餐，可以食多啲唔同款式。餐前小食為自家焗腰果，爽脆口感好。羊肚耳秋葵配甜醋醬油，我自己第一次食羊肚耳，原來係一種高山出產抗氧化抗癌茵類食材，外觀似牛肚，咬落爽口，真特別。南瓜湯同百合竹笙羹都有水準。玫瑰叉燒外觀同真叉燒一樣，看落有肥瘦位置，聞到好香玫瑰茶味，咬落外皮仲有少少脆，中間綿滑，口感一流，味道唔會太甜。燒汁芥末姬松茸，此款為fusion 菜式，炸得脆香的姬松茸，食落口才有輕輕的芥末味湧出，增加層次感。野茵大明蝦干燒新竹米粉，米粉炒得乾身，爽口彈牙，配合一隻似足9成的大蝦，零舍吸引。後加了甜品，脆皮燕麥奶，又係另一中西fusion 菜式，高水平。