CHUTNEY

之前已經嚟過中環呢間CHUTNEY，今次再encore，果然無令我失望！餐廳位於嘉兆商業大廈4樓，一上到去就覺得裝修好有氣派，真係好似走進咗印度宮殿咁，環境夠晒grand㗎！

今次試咗幾款新菜式，款款都有水準～
🔥炭火烤羊架：羊肉燒得外層微脆，內裡keep住juicy，炭火香好出，點埋特製醬汁真係好正！

🍤酸甜醬炒蝦球：蝦球大隻彈牙，酸甜醬開胃又唔會太濃，好適合夏天食～

🦐招牌奶油咖喱大蝦：必點！咖喱奶油香超濃郁，蝦肉爽甜，個汁撈薄餅真係無得頂！

🧄香蒜饟餅 & 🇮🇳印度薄餅：兩款餅都係即叫即整，熱辣辣，香蒜饟餅蒜香味好香，薄餅就煙煙韌韌，點咖喱食一流！

整體來講，食物高質，環境舒服，服務亦周到，絕對係中環區想食印度菜嘅好選擇！