影片
更多
2025-07-22
116 浏览
餐廳位於雲咸街嘅一棟商廈入面，裝修充滿住異國風情，但係窗口啱啱好可以睇到出面大館中式嘅屋頂部分，感覺好奇妙。餐廳座位嘅設計亦都好好，無論係一兩個人嚟，定係十幾廿人聚餐，都好適合。🍴推介菜式如下：🔹 馬拉炒蜆（Malaysian Inspired Clams） 見到有 fusion 菜，非常好奇。炒蜆嘅醬汁好惹味，混雜咗香蒜、洋蔥、咖喱葉、Sambal 辣醬同 65 Sauce，用鑊炒香。個醬汁收得好乾身，蜆肉好入味，配料單獨食都好好味。🔹 招牌奶油咖喱配芝士（Butter Makhani Paneer） 濃厚嘅番茄奶油咖喱醬汁香滑順口，帶點甜味又唔會膩。入面嘅 Paneer（印度芝士）口感煙韌富彈性，吸晒醬汁精華，非常推薦！🔹 香蒜饢餅（Garlic Naan） 點得咖喱醬就必點 Naan 餅。Naan 餅厚度同煙靭度都好適中，烤得微微焦香，咁點上咖喱，好容易就會食哂一塊。🔹 咖喱燉菜、免治羊肉、鵪鶉蛋（Keema Pav） 豪華版印度街頭小吃！用免治羊肉煮成香濃咖喱，加埋脆脆馬鈴薯絲同煎鵪鶉蛋，配上牛油烤過嘅 Pav 麵包，香氣十足。加埋洋蔥等配料，濃郁中帶啲清新，麵包好鬆軟，好有驚
餐廳位於雲咸街嘅一棟商廈入面，裝修充滿住異國風情，但係窗口啱啱好可以睇到出面大館中式嘅屋頂部分，感覺好奇妙。餐廳座位嘅設計亦都好好，無論係一兩個人嚟，定係十幾廿人聚餐，都好適合。
🍴推介菜式如下：
🔹 馬拉炒蜆（Malaysian Inspired Clams） 見到有 fusion 菜，非常好奇。炒蜆嘅醬汁好惹味，混雜咗香蒜、洋蔥、咖喱葉、Sambal 辣醬同 65 Sauce，用鑊炒香。個醬汁收得好乾身，蜆肉好入味，配料單獨食都好好味。
🔹 招牌奶油咖喱配芝士（Butter Makhani Paneer） 濃厚嘅番茄奶油咖喱醬汁香滑順口，帶點甜味又唔會膩。入面嘅 Paneer（印度芝士）口感煙韌富彈性，吸晒醬汁精華，非常推薦！
🔹 香蒜饢餅（Garlic Naan） 點得咖喱醬就必點 Naan 餅。Naan 餅厚度同煙靭度都好適中，烤得微微焦香，咁點上咖喱，好容易就會食哂一塊。
🔹 咖喱燉菜、免治羊肉、鵪鶉蛋（Keema Pav） 豪華版印度街頭小吃！用免治羊肉煮成香濃咖喱，加埋脆脆馬鈴薯絲同煎鵪鶉蛋，配上牛油烤過嘅 Pav 麵包，香氣十足。加埋洋蔥等配料，濃郁中帶啲清新，麵包好鬆軟，好有驚喜。
🍹 飲品同甜品方面：
🔸 Mango Lassi & Rose Lassi Mango Lassi 芒果味香濃滑溜，Rose Lassi 喺士多啤梨味中帶淡淡玫瑰花香，非常清新，解辣又消滯。
🔸 Mango Kulfi（芒果雪糕） 將印度雪糕釀入原隻芒果再切塊，雪糕奶香重。最精彩係芒果，細滑無渣，食落帶有淡淡嘅柑橘蜜桃味香氣，仲有啲花木，層次好豐富，可能係 Alphonso 芒果，非常驚喜。
张贴
