S2 Kitchen (已搬遷) 新店位置

女朋友又話想食日本嘢 向來知道中環有間好有日本居酒屋感覺嘅小店s2 終於有機會帶埋佢嚟食喇🤣店內設置左Lennon wall ，係一間黃店！✨日本蕃茄野菜沙律日本蕃茄味道新鮮得嚟又甜甜哋，賣相靚靚 咬落去又多汁，真係一道好好嘅開胃沙津🍅✨刺身拼盤 (拖羅，油甘魚，帶子)成個盤有三款，入面有拖羅，油甘魚，帶子刺身。刺身睇落幾厚身下，正！拖羅食落好肥美👍🏻 帶子好鮮甜，肉質彈牙！✨茄子上鴨燒茄子同鴨胸簿切咗咁燒，估唔到佢哋燒香咗之後係咁夾，沾上甜甜燒汁味道濃郁，食落去幾惹味。✨鰻魚玉子燒呢個配搭都好特別，出面係玉子，中間有啲青瓜絲同好香嘅鰻魚燒，口感澎湃，好高汁啊！✨櫻花蝦泡菜炒飯望住廚師佢熱辣辣新鮮炒起，已經知碟飯好有鑊氣，加上辣辣哋嘅泡菜，令味道更出色，食完好滿足☺居酒屋嚟講，環境幾舒服，食野又有質素。