Prime Pho

营业中

休息中

喺中環返工成日都唔知道食咩好，但原來遠在天邊近在眼前，正宗嘅越南美食唔需要喺越南食嘅，喺香港都可以搵到😘🎉餐廳地理位置好方便，位於中環嘅嘉咸街，估唔到人氣好高，嚟到嘅時候已經有好多人喺度食緊，不過都好快入得，餐單中英文對照，嘢食種類好多元化，而且好有特色，唔係其他餐廳咁容易搵到㗎🤩💓越南小食炸賓墟超級特別😛係河內嘅街頭小食，上邊有炸蝦仔、肉鬆、蟹子同埋香草，仲可以夾住青檸同埋辣椒仔食，味道酸酸辣辣好開胃😋另外主食方便，食越南嘢點少得河粉啦，我哋叫咗兩個湯河，一個係粵式湯河，油炸鬼可以浸落湯度食，另一個係招牌湯河🥳❤️‍🔥絕對真材實料，首先湯底好清好香，完全冇味精味，而且份量好足料🎊牛油果乳酪同埋芫荽梳打，超有特色嘅嘢飲，意料之外嘅好味道，非常清甜🥰✨