一汁一菜 (中環街市) (已結業)

中環街市依家有唔少唔同類型嘅外賣自取店。前兩日我同朋友就去左呢間叫做一汁一菜嘅餐廳，買左兩份set做lunch。湯+一品料理+日本米飯 $69/79以中環黎講，可以用$69食到一個有湯有餸有飯嘅餐已經幾抵。湯同一品料理都可以自選款式，如果揀$39嘅湯，個餐就$69。如果揀$49嘅湯，個餐就$79。我同朋友各揀左花菜巴馬火腿濃湯同埋法式龍蝦濃湯。花菜巴馬火腿濃湯飲落口感濃稠，花菜味濃郁，湯料仲有薯仔同埋巴馬火腿，用黎送飯食都得。法式龍蝦濃湯入面嘅龍蝦肉都唔少，幾值得揀。一品料理方面我地兩個都揀左番茄菠菜芝士雞肉卷。番茄醬汁酸酸甜甜好清新開胃。雞肉卷嫩滑，加埋入面嘅芝士，食落就更加creamy。同時又有菠菜平衡油膩感，我覺得好食。主食方面有得揀要日本米飯定係石窯麵包。我地兩個飯桶就揀日本米飯。飯食落係粒粒飽滿嘅珍珠米，上面仲有啲芝麻增添香氣。