影片
更多
2024-02-21
206 浏览
晚上到左中環閒逛, 便想飲下啤酒, 食下串燒,, 坐低Chill下, 我地揀咗芝加哥串燒酒場, 佢係元朗, 大埔都有分店, 而家仲要開喺蘭桂坊, 想飲酒同食串燒都可以一次過, 呢度星期五六日有不少外籍人士和遊客幫襯, 可以揀室內同室外位坐, 人氣滿滿, 閒日同老友來relax下, 人生一大樂事; 呢度串燒酒類選擇款式多到過百款, 有埋Happy Hour Discount 就更加抵食抵飲。呢度個酒list 有齊紅酒、白酒、清酒、香檳、威士忌、啤酒、Cocktail等, 任君選擇呀!Rainbow - $118用Vodka, Blue Curacao, Peach Purée, Pineapple Juice Grenadine調配, 好靚嘅彩虹色造型, 打卡首選, 味道有幾種清甜果香集合而成, 仲加有菠蘿粒, 甜甜地好易人口, 份外冰涼清新, 酒精濃度唔算太高, 所以都啱哂女任飲用。Chicago Logo Bear - $83餐廳招牌啤酒, 啤酒比較淡味少少, 味道偏甜, 仲有一片菠蘿乾發揮作用, 好香菠蘿果香味, 易入口會令人不其然飲得過快, 越飲越香甜, 好好飲, 又好啱哂女仔。
Rainbow - $118
用Vodka, Blue Curacao, Peach Purée, Pineapple Juice Grenadine調配, 好靚嘅彩虹色造型, 打卡首選, 味道有幾種清甜果香集合而成, 仲加有菠蘿粒, 甜甜地好易人口, 份外冰涼清新, 酒精濃度唔算太高, 所以都啱哂女任飲用。
Chicago Logo Bear - $83
餐廳招牌啤酒, 啤酒比較淡味少少, 味道偏甜, 仲有一片菠蘿乾發揮作用, 好香菠蘿果香味, 易入口會令人不其然飲得過快, 越飲越香甜, 好好飲, 又好啱哂女仔。
香蒜蔥花廣島蠔 - $188/6 隻 (可轉芝士燒)
海鮮類最愛這個, 我地轉了芝士燒,; 廣島蠔十分飽滿, 吃得出滿滿嘅鮮味, 蠔肉鮮甜又厚肉, 芝士又唔會搶晒味。
碳燒牛扒 - $49/1
厚薄啱啱好, 食到牛本身幼嫩嘅質感, 鮮嫩, 而且用少少鹽調味, 已經十分好味, 亦都可以點燒汁食。
燒黑松露帶子 - $72串
半熟帶子爽口鮮嫩, 加有少少黑松露令味道更加提升。
燒雞翅包飯 - $19/1
雞翼脹卜卜, 內藏一口飯, 飯吸收晒燒雞翼嘅油脂同精華, 燒雞翼外面又係脆皮, 特別惹味。
香蔥燒蟶子皇 - $108/2隻
一客有兩隻, 好大隻, 加上香蔥, 蒜蓉, 炸蒜, 又不會燒得太乾, 香噴噴, 爽口兼有鮮嫩。
韮菜燒 – $16串
火候和調味都控制得很好, 加上孜然調味, 好吸引!
冷盤日本磯燒鮑魚 - $88 / 3隻
我都幾鐘意呢個冷盤, 鮑魚好似同味醂, 昆布汁, 醬油煮過再浸醃過, 好入味, 又唔韌, 好正, 好抵食。
燒紫菜年糕串 - $28串
年糕煙煙韌韌好好食, 尤其燒紫菜嗰隻, 燒香再加上燒汁係年糕面, 燒汁好入味, 甜甜地, 軟軟糯口感極佳。
燒雞泡魚乾 - $58
呢個係人氣之選, 味醂醃味, 燒得好香脆, 真係佐酒嘅最佳小食呀!
张贴
