凡高廚房 (已結業)

今晚收工約咗男友食飯，Open rice 見到原來中環開左凡高廚房～記得好耐好耐之前係喺灣仔嗰間凡高食過好好味，所以今晚就試下中環新店啦！中環呢間雖然細細哋，但係踏入門口依然好有歐陸feel，我最鐘意佢牆上掛著嘅凡高傑作～同埋枱面啲小擺設，原來啲小畫框係老闆特別訂造仲可以買返屋企擺！搞到我都心思思想買返set添食嘢方面我哋哎咗個意粉同肉眼扒share，份量啱啱好，肉眼依舊juicy仲好有牛味，同埋個薯角唔知用左啲咩秘製醬撈過真係好好味不過可能係我鍾意食冧野～覺得佢啲薯仔硬咗dd值得一讚係呢度服務真係好好，老闆會好細心介紹菜式同埋餐廳意念，侍應亦好樂意幫忙。其實有時做咗成日野想食個簡單dinner都遇到啲黑面侍應真係好無mood，喺凡高呢度就好relax~整體價錢都合理～係間值得撐嘅小店