四季常餐 (已結業)

自己一個人喺中環食咩好呢？適逢早餐時段，我就去四季常餐試下～聽聞呢間lunch hour會大排長龍，我11點左右黎到就唔使等位喇！我點左真•忌廉雞湯通配火腿，跟埋炒蛋多士同熱奶茶。火腿比一般茶餐廳嘅厚身同彈牙，坑紋通粉嘅掛湯能力高。忌廉雞湯味道唔錯，但食得多會有啲膩。炒蛋份量非常多， 表層嘅蛋比較滑溜，裡面就有啲過熟。兩塊厚多士嘅表層都塗上牛油，食落尚算香脆。就地段而言，四季常餐定價合理， 而且質素尚可同份量好足，不失為中環午餐之選！