銀芽

营业中

休息中

今日早咗出門口，早咗返到公司，去咗附近新開嘅一間茶餐廳度食早餐，茶餐廳新開冇耐，佢住喺一棟商業大廈裏邊，門面不太起眼，如果唔係之前有同事帶我嚟過，我都唔知道裏面有一間茶餐廳。早餐清清地，點咗個雪菜肉絲米粉，呢間餐廳用料唔錯，雪菜用咗新鮮雪菜，並唔係罐頭貨，米粉應該係用咗山竹米粉，雞蛋煎得好靚，我叫咗凍齋啡走甜，唔酸，夠味，唔錯。成份早餐，正常發揮，但係今時今日，真係做到正常發揮嘅茶餐廳真係少之又少，我想講，我喺中環返工咁耐，呢間茶餐廳喺中環，我自己覺得三甲之內，就係正正因為佢做到「正常發揮」。可能暫時新開幕，同埋位置唔太起眼，可以安安靜靜食一個高質素嘅早餐，呢間茶餐廳，真係可以「隱世高質茶記」