影片
更多
2024-10-06
413 浏览
今日同男朋友嚟咗中環呢間樓上平民餐廳食法國菜。龍蝦湯 ($92) 湯頭好濃郁，質感又夠creamy，飲落啖啖都係鮮甜嘅龍蝦味，調味恰到好處，唔會太鹹或太淡。近期飲過咁多碗龍蝦湯，呢碗絕對係數一數二。附送嘅法包口感都唔錯，外脆內軟，蒜蓉味濃郁。法式焗蝸牛 ($108)好耐冇食過法式焗蝸牛了！佢啲蝸牛都幾大隻，食落有好香嘅牛油、蒜蓉同香草味。佢仲用咗啲薯蓉墊底，個薯蓉唔算超級香滑，不過不失啦。牛肝菌意粉 ($158) 一上枱就聞到陣陣牛肝菌嘅香味，真係好吸引！意粉煮得彈牙，牛肝菌同其他菇菌都落得好多，啖啖都係菇菌嘅香味，而且炒得唔油膩，令人好有驚喜！香草海鹽燒原條美國牛肋骨配薯條 ($298)個擺盤幾有趣，牛肋骨嘅牛味濃，佢煮到好腍身，肉質嫩滑。配埋個gravy同底下嘅薯蓉食好滋味。一旁嘅車厘茄同埋沙律菜亦都新鮮。薯條新鮮炸起，粗幼度適中，外脆內綿。酥皮蘋果批配雪糕 ($88)擺盤有用到士多啤梨jam畫花。雲呢拿雪糕入面有nuts幾好食。蘋果批唔會太甜，酥皮都鬆脆嘅。美好嘅一餐就以蘋果批甜品作結。紅白酒by glass買一送一, 都幾抵飲!
龍蝦湯 ($92)
湯頭好濃郁，質感又夠creamy，飲落啖啖都係鮮甜嘅龍蝦味，調味恰到好處，唔會太鹹或太淡。近期飲過咁多碗龍蝦湯，呢碗絕對係數一數二。
附送嘅法包口感都唔錯，外脆內軟，蒜蓉味濃郁。
法式焗蝸牛 ($108)
好耐冇食過法式焗蝸牛了！佢啲蝸牛都幾大隻，食落有好香嘅牛油、蒜蓉同香草味。佢仲用咗啲薯蓉墊底，個薯蓉唔算超級香滑，不過不失啦。
牛肝菌意粉 ($158) 一上枱就聞到陣陣牛肝菌嘅香味，真係好吸引！意粉煮得彈牙，牛肝菌同其他菇菌都落得好多，啖啖都係菇菌嘅香味，而且炒得唔油膩，令人好有驚喜！
香草海鹽燒原條美國牛肋骨配薯條 ($298)
個擺盤幾有趣，牛肋骨嘅牛味濃，佢煮到好腍身，肉質嫩滑。配埋個gravy同底下嘅薯蓉食好滋味。一旁嘅車厘茄同埋沙律菜亦都新鮮。
薯條新鮮炸起，粗幼度適中，外脆內綿。
酥皮蘋果批配雪糕 ($88)
擺盤有用到士多啤梨jam畫花。雲呢拿雪糕入面有nuts幾好食。蘋果批唔會太甜，酥皮都鬆脆嘅。美好嘅一餐就以蘋果批甜品作結。
紅白酒by glass買一送一, 都幾抵飲!
张贴
