影片
更多
2024-01-26
16 浏览
👧🏻就知道喺蘭桂坊附近幾個月前開咗間新既日法Fusion菜餐廳，所以今次就同👦🏻一齊去品嘗精緻既食物。到訪當日天氣寒冷🥶，連樓面同事都告假，但主廚Chef John就一腳踢，負責曬烹調、樓面招待、介紹菜式。從交談同進食時完全了解到主廚對食材質素、配搭既執着同堅持。今次唔算好肚餓，就只叫A La Carte，其實佢地仲有個Tasting Menu好值得試！🌟Pâté en croûte 法式酥皮肉批法式酥皮肉批其實就係用酥皮包裏著肉類，係一道工序十分複雜既菜式。先處理鵝肝去除血管，再攪碎豬肉，混入焦糖化洋蔥🧅及其他材料再醃漬。然後將餡料釀入酥皮再用特製模具烤焗，烤焗後再混入雞肉高湯啫喱。聽見工序咁繁鎖，難怪要整幾日先可以完成製作肉批！酥皮比起平日食法式批更薄，內裏食到細顆鵝肝既絲滑，濃郁既鵝肝味，混入瘦肉就增加咗口感，而雞湯啫喱層就主要帶出咸香味。配埋橄欖🫒，整體而言又唔會太膩。🌟Beef Tartare / Prawn Tartare 牛肉他他/蝦肉他他Beef Tartare用咗澳洲和牛既牛柳，比起日本和牛更有嚼勁，又唔似美國牛既太濃郁肉味而喧賓奪主，手切牛柳能夠保留肉質纖維，比起平
今次唔算好肚餓，就只叫A La Carte，其實佢地仲有個Tasting Menu好值得試！
🌟Pâté en croûte 法式酥皮肉批
法式酥皮肉批其實就係用酥皮包裏著肉類，係一道工序十分複雜既菜式。先處理鵝肝去除血管，再攪碎豬肉，混入焦糖化洋蔥🧅及其他材料再醃漬。然後將餡料釀入酥皮再用特製模具烤焗，烤焗後再混入雞肉高湯啫喱。聽見工序咁繁鎖，難怪要整幾日先可以完成製作肉批！
酥皮比起平日食法式批更薄，內裏食到細顆鵝肝既絲滑，濃郁既鵝肝味，混入瘦肉就增加咗口感，而雞湯啫喱層就主要帶出咸香味。配埋橄欖🫒，整體而言又唔會太膩。
🌟Beef Tartare / Prawn Tartare 牛肉他他/蝦肉他他
Beef Tartare用咗澳洲和牛既牛柳，比起日本和牛更有嚼勁，又唔似美國牛既太濃郁肉味而喧賓奪主，手切牛柳能夠保留肉質纖維，比起平日食牛肉他他更有咬口。
Prawn Tartare相信大家都可能冇食過，用咗法國🇫🇷南部既水晶蝦，蝦肉略帶藍青色，爽口彈牙，味道鮮甜零腥味。用咗日本🇯🇵既黃瓜漬🥒，味道相當和諧。最底既紫蘇葉💜除咗有裝飾用途，原來配Tartare可以更突顯食材既鮮甜！
兩款Tartare配上烤脆既法棍Baguette 🥖切片，一來食到麵粉香，又同兩款Tartare形成口感上既Contrast。
🌟Carrot Pumpkin Soup 甘筍南瓜湯
廚師並唔係普通將食材切醉攪爛就煮個忌廉湯交行貨，而係將兩款瓜類🥕連皮焗，將果糖都迫曬出嚟，焗到燶燶哋。再用隔篩去磨爛食材再煮湯，因此湯既質感非常細滑，食落似食芝麻糊既質感多過似湯。完全唔會食到南瓜🎃嘅澱粉質感，又食到食材香甜，同埋果糖烤焗後嘅些微酸味。
🌟Corden Bleu with Potato Gratin 藍帶雞卷配奶油焗薯仔
先將Mozzarella Cheese醬、火腿釀入雞件內，慢煮後再沾上麵包糠，放入焗爐焗至金黃。外脆而雞件嫩滑，雞件冇太多既調味，調味既重擔就交比芝士醬同火腿。伴碟既醬汁唔係普通Gravy/蘑菇醬，而係用英式芥末混入吉士醬，完全估唔到係咁夾！
而奶油焗薯仔🥔就係將薯仔切片，平均鋪滿一層就塗上奶油牛奶等材料，再鋪上薯仔片，係充滿牛油香既焗薯。
🌟 Ratatouille Vegetables 普羅旺斯燉菜
平日食呢道燉菜係將蔬果切片再撈番茄汁🍅，而廚師就係將翠玉瓜、茄子🍆等材料切粒先炒，再混入自家製蕃茄汁。蕃茄汁味道比較清淡，富有香草🌿味道又唔會太酸。
🌟Crème Brûlée 焦糖燉蛋
嚟到最後緊係要食甜品！面層炙燒焦糖薄薄一層，一敲便碎。呢度嘅焦糖燉蛋用咗蘭王雞蛋🥚，所以色澤偏橙黃色，富有蛋香，實淨得嚟又夠Creamy。
张贴
