麵鮮醬油房周月 (歌賦街)

营业中

休息中

作為我中環人每日無論早餐定午餐下午茶都離不開中環，本來今日想去九X食牛腩麵，去到見到排哂長龍，肚又餓見到旁邊有間拉麵店二話不說就去試下，店內裝修好有日本感覺，個餐牌都幾特別但種類唔係好多，麵只有兩款沾麵選擇，一個係正常醬油沾麵，另一個係辛辣沾麵，我同朋友叫左每樣一碗，首先醬油沾麵，難食到無朋友，得個鹹味個塊肉薄到同A4紙差唔多，另外一個辣味沾麵比較好少少，但係都係好難食，到小食叫左個餃子無乜驚喜，入面啲肉少到幾乎係無皮又厚，炸雞軟骨竟然一啲味都無，整間店唯一值得一讚就係麵可多可少，由自己決定，但都無下次會再來食，真係可一不可再