筷子記

同朋友講開喺中環食飯好貴，佢即刻問我有冇去過筷子記食。我話冇，佢提議我去試吓，不過要有肚痛嘅心理準備😂🫢。所以有一日，我又咁啱要快速醫肚趕下場，就衝咗入去。

1

因為人多，所以我要同人搭枱，然後有一雙眼望住我，「鼓勵」我快啲落單。似乎好多人都會食佢個炸豬排，不過我怕油膩，所以都係叫返雞翼、魚腐呢啲普通嘢。我落完單之後，碗麵都好快到。我由入餐廳到離開可能淨係用咗20分鐘，分分鐘快過食麥當勞，哈哈。

1

估吓我有冇肚痛？答案係冇嘅！而且佢真係平過麥當勞，所以如果要喺中環食個又平又快嘅一餐，佢的確係一個選擇。

雖然下次我可能會寧願食麥當勞🍔，哈哈！