影片
更多
2023-06-17
91 浏览
-🍴🍽🍴🍽🍴🍽 🥂🥂🥂🥂🥂🍴🍽-🥢Amuse Bouche 🆙Amuse Bouche 包含2款小點，其中一款小圓撻底部採用洋蔥焦糖味嘅餅殼，內餡材料則包含青豆同炒洋蔥，並搭配蠶豆同西班牙鯷魚粒，酸味十分突出，而西班牙鯷魚則口感彈性且帶有酸鹹風味。另一款就以wasabi脆片為底，上面擺放咗煙熏魚塊同少量沙律醬，先會食到酸甜嘅味道，wasabi再逐漸浮現，口感層次好豐富🤩！🥢Hamachi, Blood Orange, Sicilian Lemon 🆙用咗油甘魚刺身、西西里檸檬、血橙同佛手柑醬汁，最後面頭以魚子醬作點綴。油甘魚質感好嫩滑，果嘅酸甜口感好濃郁，同鹹香嘅魚子醬形成對比😆。🥢Red Prawn, Gazpacho 🆙西西里紅蝦賣相別出心裁，網紋狀脆片係以蝦頭嘅蝦油煎成脆片，再淋上西班牙凍湯。蝦肉好鮮甜，凍湯採用咗西瓜、紅椒同番茄等食材製成，西瓜嘅鮮美濃郁，清爽怡人😋。🥢Hokkaido Scallop, Daikon, Oyster Leaf 🆗呢道菜採用咗北海道帶子，搭配以鰹魚汁打成泡泡狀嘅泡沫、大根粒同生蠔葉，再以佛手柑點綴。帶子嫩滑結實，有炙燒嘅口感和鮮味。泡沫有少少奶
-
🍴🍽🍴🍽🍴🍽 🥂🥂🥂🥂🥂🍴🍽
-
🥢Amuse Bouche 🆙
Amuse Bouche 包含2款小點，其中一款小圓撻底部採用洋蔥焦糖味嘅餅殼，內餡材料則包含青豆同炒洋蔥，並搭配蠶豆同西班牙鯷魚粒，酸味十分突出，而西班牙鯷魚則口感彈性且帶有酸鹹風味。另一款就以wasabi脆片為底，上面擺放咗煙熏魚塊同少量沙律醬，先會食到酸甜嘅味道，wasabi再逐漸浮現，口感層次好豐富🤩！
🥢Hamachi, Blood Orange, Sicilian Lemon 🆙
用咗油甘魚刺身、西西里檸檬、血橙同佛手柑醬汁，最後面頭以魚子醬作點綴。油甘魚質感好嫩滑，果嘅酸甜口感好濃郁，同鹹香嘅魚子醬形成對比😆。
🥢Red Prawn, Gazpacho 🆙
西西里紅蝦賣相別出心裁，網紋狀脆片係以蝦頭嘅蝦油煎成脆片，再淋上西班牙凍湯。蝦肉好鮮甜，凍湯採用咗西瓜、紅椒同番茄等食材製成，西瓜嘅鮮美濃郁，清爽怡人😋。
🥢Hokkaido Scallop, Daikon, Oyster Leaf 🆗
呢道菜採用咗北海道帶子，搭配以鰹魚汁打成泡泡狀嘅泡沫、大根粒同生蠔葉，再以佛手柑點綴。帶子嫩滑結實，有炙燒嘅口感和鮮味。泡沫有少少奶味，佛手柑酸酸甜甜，同帶子一齊食更加突顯鮮甜。大根粒充分索曬醬汁，食落好有關東煮風味😆。
🥢Langoustine, Caviar, Zucchini 🆗
紐西蘭大蝦配上翠肉瓜粒同魚子醬，再以奶油香檳汁同香草+鮮魚烹煮嘅醬汁調味。大蝦味道鮮甜，嫩滑爽口，醬汁清新帶有微微酸甜感👍🏻。
🥢Sea Urchin, Cauliflower, Potato, Yuzu 🆙
底部係一個用黎名嘅四方盒，開頭以為係啫喱，點知原來係葛粉整成嘅，咬落脆卜卜。盒上有海膽mousse、海膽同柚子魚子醬，表面撒上椰菜花碎。溫馨提示呢道菜係要用手食，同埋要先食咗海膽個，感受下入口即就溶嘅海膽，之後先食埋酸甜柚子個邊，層次好豐富🤩。
🥢Blue Lobster, Bisque, Seaweed 🆙
法國藍龍蝦配以濃厚嘅蝦汁，龍蝦口感爽甜，鮮嫩彈牙。旁邊配有蒜，以牛油炒香，龍蝦汁仲有蔬菜同白蘭地味😋。
🥢Wagyu, Pumpkin, Mushroom 🆙
呢道菜用上日本A5和牛上胸，和牛火炙至三成熟，配以紅酒汁，食落油脂飽滿，入口即融。配料有日本南瓜蓉同南瓜粒，仲有本菇。本菇用左醋去烹煮所以食起上黎少少酸，可以中和番和牛嘅油膩感👍🏻。
🥢Panna Cotta, Black Sesame 🆙
黑芝麻意式奶凍嘅芝麻味好濃郁，奶味冇咁重，入口順滑。紅莓cream清新香甜，唔會好酸，口感輕盈，為呢餐畫上咗姐完美嘅句號😋。
😇評價 𝗥𝗮𝘁𝗶𝗻𝗴𝘀😇食物 𝗙𝗼𝗼𝗱 9.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 9/10
服務 𝗦𝗲𝗿𝘃𝗶𝗰𝗲 9.5/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8.5/10
整體 𝗢𝘃𝗲𝗿𝗮𝗹𝗹 9.12/10
-
🍴🍽🍴🍽🍴🍽 🥂🥂🥂🥂🥂🍴🍽
-
🗺 IO Italian Omakase (中環)
中環德己立街21號The Plaza 2樓
-
#bakdiufusion #bakdiu意大利菜 #bakdiu日式 #bakdiu中環 #bakdiu中西區
张贴
