POP vegan (已結業)

由於有朋友係食素嘅關係，所以我時不時都會留意下有冇新開嘅素食嘅餐廳點知比我發現咗喺中環伊利近街嗰度開咗一間好Chill既素食西餐廳💖💖💖梗係要帶埋朋友去食下啦，位於一樓既餐廳裝修得好工業味，牆身都係以灰色為主，可能因為一樓嘅關係，地方好闊落，枱與枱之間嘅位置亦都好足夠，我同朋友喺地下行咗一層樓梯轉左就入到去哩間餐廳，但係原來右邊都係呢間餐廳架，左手邊既位置淨係得枱，而右手邊就有廚房同(我同朋友臨走前先發現到)我同朋友嗌咗勁多嘢食呀，嗌咗壽司卷，豆腐蔬菜蕎麥面，南瓜湯同肉醬薯條🍟首先嗰壽司卷到咗先，賣相相當龐大，比我想像中大件呀，可能真係因為太大件嘅關係，一夾起個壽司，啲飯同啲餸就分離晒😅😅😅結果就係飯有飯食，餸有餸食嚕其實啲配菜就係啲蒟蒻黎既，唔知點解我覺得有啲苦苦地嘅感覺然後個豆腐蕎麥麵到左，賣相好靚仔，忍唔住要試番啖啦，點知嗰汁實在太鹹啦，我同朋友食咗一半都冇，就決定唔食嚕至於個南瓜湯就一般般啦，因為落咗好重嘅椰汁味，我就唔鍾意食椰汁嘅，所以我飲左一啖就無再飲嚕。最後個肉醬薯條🍟不過不失啦。呢間素食餐廳完全冇驚喜喔