岩手 ·建 (已結業)

下午食完afternoon tea飽飽地，比較晏先食晚餐，揀左食通常唔會好飽既日本菜，哈哈。見到呢間餐廳新開張，就入去食，睇下水準如何。我地唔太餓，剩係揀左兩款野食。呢到有酒飲架，但我地就叫左兩杯乳酸梳打。赤雞沙律一半係沙律一半係雞扒。雞扒煎到雞皮脆脆地，肉質唔鞋口，啖啖肉。季節三色丼既刺身有三文魚、左口魚、魴鮄、島池魚，全部都幾厚切。丼飯已經落左調味，唔會好寡。乳酸梳打大大杯，係巨峰提子味。