影片
更多
2024-01-16
186 浏览
啱啱去咗位於中環蘭桂坊嘅法式+日式fusion 菜餐廳，餐廳主廚Chef John 有多年法餐經驗，將法國菜元素融入日菜中，採用各款空運食材～無論菜單、選料定係製作方法都相當獨特。tasting menu $588/位，包含三款前菜一款主菜同埋甜品，中環嚟講真係性價比好高！Foie Gras terrine匈牙利鵝肝配上啤梨皮底下仲有雲吞皮脆，鵝肝口感幼滑香濃，雲吞皮脆卜卜，口感好有層次。Tomato salad來自法國嘅蕃茄味濃略帶酸，配上日式醬汁+芥末醬，口感清新。Beef Tartare及Prawn Tartare前菜可以選擇來自法國藍水晶蝦他他或者M4和牛他他，手切咬落特別有口感，牛肉味濃郁再配上鵪鶉蛋香，另外蝦肉他他配日本黃瓜漬，口感爽口彈牙，酸酸地好開胃！燒牛心燒得好香，厚切口感好juicy又夠淋，面頭灑上日本香料更添風味。南瓜湯原個南瓜先焗再打爛成茸，口感綿密，南瓜好甜。Egg Bomb好特別嘅一道菜式！面頭係炸麵包糠入面包住流心蘭王蛋，一切開即刻爆汁～黑松露菌醬味道濃郁，同炸蛋味道好match。Lobster以Rosemary煙燻龍蝦尾，好香，但係又唔會蓋過啲肉味，龍蝦
Foie Gras terrine
匈牙利鵝肝配上啤梨皮底下仲有雲吞皮脆，鵝肝口感幼滑香濃，雲吞皮脆卜卜，口感好有層次。
Tomato salad
來自法國嘅蕃茄味濃略帶酸，配上日式醬汁+芥末醬，口感清新。
Beef Tartare及Prawn Tartare
前菜可以選擇來自法國藍水晶蝦他他或者M4和牛他他，手切咬落特別有口感，牛肉味濃郁再配上鵪鶉蛋香，另外蝦肉他他配日本黃瓜漬，口感爽口彈牙，酸酸地好開胃！
燒牛心
燒得好香，厚切口感好juicy又夠淋，面頭灑上日本香料更添風味。
南瓜湯
原個南瓜先焗再打爛成茸，口感綿密，南瓜好甜。
Egg Bomb
好特別嘅一道菜式！面頭係炸麵包糠入面包住流心蘭王蛋，一切開即刻爆汁～黑松露菌醬味道濃郁，同炸蛋味道好match。
Lobster
以Rosemary煙燻龍蝦尾，好香，但係又唔會蓋過啲肉味，龍蝦肉質爽口彈牙，伴碟嘅千層薯仔好Creamy，咬落層層有口感。
Duck
油封鴨腿配以蘋果蓉醬，鴨腿外脆內嫩，油香十足。青紅蘋果打成嘅茸酸酸甜甜口味清新。
Créme brûlée
日式風格嘅焦糖布甸🍮以蘭王蛋製成，唔會太甜，蛋味香濃。
张贴
