影片
更多
2023-12-11
96 浏览
以前去親安慶臺都係飲酒，今次朋友介紹黎到燒烤堂中環分店，食物味道同價錢都好啱心水，完全係飯堂候補！點餐紙上寫上滿滿串燒種類，用食材分類好容易就搵到自己想要嘅串燒。最貼心係為咗🙃方便客人揀選，每一款食物都列明味道風格，例如日式、港式、川式等，價錢相宜仲係即叫即燒，性價比超級高🥰酒鬼們唔可以錯過日本生啤買一送一優惠，邊食邊飲先係王道🍻🔸鹽燒原塊雞皮其中一款必食推介🎖️大大塊雞皮非常薄身，燒過後完全冇油膩感，好似一塊脆口薯片咁，食唔停口🤤🔸滑捋捋韓式牛骨髓一節節排列好串起來燒，上面加上韓式泡菜同青蔥，帶少許辣勁但不蓋過牛骨髓獨有香味🙆🏻♀️🔸鹽燒A4宮崎和牛牛肉嫩滑入口融化，用簡單鹽燒已經帶出牛肉濃香，必點🔥🔸油炸鬼梅菜燒生蠔好特別既港式配搭，燒生蠔鮮味配合梅菜鹹香竟然好夾，仲有油炸鬼碎增添口感，好驚喜！🔸鹽燒阿波尾七里香七里香即係雞pat pat，用上日本阿波尾雞完全冇腥味，燒得好香口🔸汁燒免治雞肉軟骨棒（附月見）每次食串燒都會嗌免治雞肉棒，加入少量軟骨零雞肉棒更有咬勁，汁燒調味適宜🔸孜然燒蒜蓉茄子茄子加蒜蓉一齊燒，本身已經係不敗配搭，加上孜然粉更加惹味，送啤酒就啱晒啦🥴🔸黑糖燒菠蘿朋友推介
點餐紙上寫上滿滿串燒種類，用食材分類好容易就搵到自己想要嘅串燒。最貼心係為咗🙃方便客人揀選，每一款食物都列明味道風格，例如日式、港式、川式等，價錢相宜仲係即叫即燒，性價比超級高🥰酒鬼們唔可以錯過日本生啤買一送一優惠，邊食邊飲先係王道🍻
🔸鹽燒原塊雞皮其中一款必食推介🎖️大大塊雞皮非常薄身，燒過後完全冇油膩感，好似一塊脆口薯片咁，食唔停口🤤
🔸滑捋捋韓式牛骨髓
一節節排列好串起來燒，上面加上韓式泡菜同青蔥，帶少許辣勁但不蓋過牛骨髓獨有香味🙆🏻♀️
🔸鹽燒A4宮崎和牛牛肉嫩滑入口融化，用簡單鹽燒已經帶出牛肉濃香，必點🔥
🔸油炸鬼梅菜燒生蠔好特別既港式配搭，燒生蠔鮮味配合梅菜鹹香竟然好夾，仲有油炸鬼碎增添口感，好驚喜！
🔸鹽燒阿波尾七里香七里香即係雞pat pat，用上日本阿波尾雞完全冇腥味，燒得好香口
🔸汁燒免治雞肉軟骨棒（附月見）每次食串燒都會嗌免治雞肉棒，加入少量軟骨零雞肉棒更有咬勁，汁燒調味適宜
🔸孜然燒蒜蓉茄子茄子加蒜蓉一齊燒，本身已經係不敗配搭，加上孜然粉更加惹味，送啤酒就啱晒啦🥴
🔸黑糖燒菠蘿朋友推介既甜品，菠蘿上面淋上黑糖，凝固後變成好似糖不甩咁既糖片，唔會過甜剛剛好！
张贴
