上海弄堂菜肉餛飩 (歌賦街) (已搬遷) 新店位置

歌賦街除左有九記，仲開左上海弄堂。1人套餐 $88涼拌小黃瓜加香菇烤麩，配上湯麵(轉擔擔麵)。小黃瓜睇隻色就知入哂味 烤麩都係我其中一樣好鍾意食既上海菜，呢到都做得唔錯，夠凍同埋幾入味，如果可以再濃少少仲正。擔擔麵就中規中矩啦。脆皮素鵝($59)，炸到超級香脆既素鵝內包住蘿蔔絲木耳絲等等配料，素鵝既香脆加上配料既爽脆，口感好滿足，味道都唔會因為純素菜而太淡。小籠包($38)，包皮做得煙靭，湯汁充足，肉味都算濃。菜肉餛飩非常大隻，肉味都香濃，清清淡淡幾好食。