Prime Pho

营业中

休息中

今日準時收工，即刻約咗我個死黨去試一間超神秘，超難搵嘅越南生牛肉湯粉店。 聽聞呢個生牛肉湯河超好味，就去發掘下啦。經中環扶手電梯，向上環方向行見到日本城，然後走入巷仔嘅左手邊，就搵到呢一座市區重建嘅Central大廈。佢嘅入口勁難搵，我朋友搵到發憫憎。仲要坐lift先至搵到呢間超隱世嘅越南餐廳。生牛肉湯河一來已經聞到陣陣嘅牛肉香味。湯底清澈一啲都唔油，其他啲配菜同香料令到牛肉湯底更有層次。河粉質地爽滑、晶凝通透。剛剛灼熟嘅生牛肉，口感冧中帶有彈性，再加上超入牛味超清甜嘅白蘿蔔，好食到舔舔脷。食完想即刻再追加多一碗！越式凍檸茶越南嘅凍檸茶同香港嘅凍檸茶用嘅底係唔同。茶色比較淺色，唔係用斯里蘭卡紅茶沖泡。香港會配上檸檬片，而越式就會用青檸去取代檸檬片，感覺幾清新。