上海弄堂菜肉餛飩 (歌賦街) (已搬遷) 新店位置

喺中上環附近返工，想搵啲中菜食下，上海弄堂係一個唔錯既選擇。午市都幾多人，但位置算寬敞，坐得舒服。午市套餐喺中環黎講價錢算平，於是叫左菜肉餛飩麵，麵底轉擔擔麵，55蚊再加錢。擔擔麵幾惹味，鐘意辣既朋友應該幾鐘意。麵質帶肉碎香加韌勁，粗幼適中。菜肉餛飩共4粒，粒粒分明厚實又能鎖住肉汁，皮薄餡靚。叫左小食春卷，即叫即炸熱辣辣，外層炸得香脆，內餡足料口感唔錯。最後加杯豆漿，豆香濃郁，鮮甜解膩，都係健康之選。