八沢 (已結業)

其實衣間食過幾次一直都想寫，因為真心覺得好食，直得推介～👍🏻，我自己本身食12點或1點嘅，其實食1點果日真係完全唔洗諗食到，12點半已經開始排隊，每次食12點，食完出來已經有長長嘅人龍（其實係咪人人都食2個鐘？點解可以排咁耐隊食lunch,係咪得我先食一個鐘😭）佢有lunch 同埋散叫揀，每次我都散叫（其實無嘢飲咁解），不過set lunch 嘢飲都要加幾蚊，係衣度覺得最唔抵。今次係想介紹衣個芥末蘋果醋帶子冷烏冬，真係好適合喺而家炎炎夏日食，有種消暑感覺，帶子三粒，唔好睇佢咁少但係大大隻完全唔覺得佢少，將芥末加入醋感覺好match,記得第一次食店完提醒芥末好辣要試左先好落，但是我食過幾次都ok 有味唔太辣，烏冬「煙煙un un」有咬口，浸一浸醋放落口，而家都想食其他同事食滑蛋叉燒飯同其他嘢食都話好ok 。大家經過中環都去試下👍🏻