舍 (已結業)

IFC有好多唔同種類唔同級數嘅餐廳，中美意日法韓，包羅萬有。作為香港人，有時會突然好想食點心，果種心情就好似身邊朋友嘅手仔被麻雀蟲🀄️咬一樣。尼日就同個同事發神經走左去，位於IFC連卡佛入邊嘅 舍 SHE，食精品點心。叫得精品點心，俾返個心理準備大家，真係唔會平得去邊。但性價比真係唔弱，俾得貴價又真係食得返高質好西。蜜汁黑豚肉叉燒 ($198)。個口未食隻眼已經享受緊🤤。金屬器皿裝住成排靚叉燒，肥瘦均勻，而且仲有好香嘅蜜糖味！下面有個火一直燒住叉燒🔥，確保佢地入口熱辣辣，唔會放一陣就凍冰冰。叉燒入口軟嫩鬆化，真係即刻要叫個飯🍚黎食。魚子醬黑豚肉燒賣 ($62)。聽個名就知矜貴，說穿了，其實真係燒賣😂 佢比普通傳統酒樓嘅燒賣更有咬口，肉味更濃！上面嘅魚子醬好鮮味，食落特別滿足😆 講真價錢不貴，值得叫嚟試下！瑤柱菜苗餃 ($62)。其實就係菜苗囉，但係一個造型好靚好靚嘅菜苗餃。餃皮就比較厚，尼點就有少少扣分。咁食落真係唔差，特別係食完叉燒同燒賣之後，佢真係被比下去。