影片
更多
2025-07-23
0 浏览
無論聚會定係約會都好，個落地玻璃都係冇得輸，裝修都極有情調。服務亦都相當好，我哋嘅水杯永遠都係處於一個滿嘅狀態，而且好細心咁樣幫我哋換咗幾次餐具，就算食龍蝦都唔會覺得特別狼狽。‣ 晚市套餐 $398· 香芒牛油果蝦沙律芒果嘅香甜同牛油果嘅綿密搭配埋新鮮蝦，酸甜清新得嚟開胃，細細份嘅portion啱啱好，可以試多啲唔同嘅嘢。· 檸汁醃鮮吞拿魚吞拿魚用檸汁醃得，所以帶少少柑橘嘅清香，完全唔會腥，再加埋乾蔥同埋脆薯片，令到成個口感level up。· 辣味蟹肉撻撻皮脆卜卜，都有幾濃郁嘅牛油香味，而入面塞滿咗蟹肉，雖然話係辣味，但係其實唔會太辣，我覺得反而比較食得到鮮味。· 芝士焗法式洋蔥法國鵪鶉平時真係好驚食鵪鶉，因為曾經有一次食到都覺得唔係太鍾意陣味。但係今次食都幾刷新我對鵪鶉嘅印象，肉質相當嫩，洋蔥焗得軟腍入味，芝士又唔會搶咗鵪鶉嘅味道，都真係幾鍾意呢道前菜。· 龍蝦濃湯＋$10話明係濃湯，龍蝦嘅味道真係相當濃郁，鍾意龍蝦湯嘅話我都會推薦加錢試一試。· 波士頓龍蝦西班牙燉飯＋$40飲完龍蝦湯都唔夠，仲要嗌多個龍蝦西班牙燉飯。燉飯粒粒分明，鍾意啲飯焦同埋莎樂美腸，而龍蝦肉質都彈牙，本身都
‣ 晚市套餐 $398
· 香芒牛油果蝦沙律
芒果嘅香甜同牛油果嘅綿密搭配埋新鮮蝦，酸甜清新得嚟開胃，細細份嘅portion啱啱好，可以試多啲唔同嘅嘢。
· 檸汁醃鮮吞拿魚
吞拿魚用檸汁醃得，所以帶少少柑橘嘅清香，完全唔會腥，再加埋乾蔥同埋脆薯片，令到成個口感level up。
· 辣味蟹肉撻
撻皮脆卜卜，都有幾濃郁嘅牛油香味，而入面塞滿咗蟹肉，雖然話係辣味，但係其實唔會太辣，我覺得反而比較食得到鮮味。
· 芝士焗法式洋蔥法國鵪鶉
平時真係好驚食鵪鶉，因為曾經有一次食到都覺得唔係太鍾意陣味。但係今次食都幾刷新我對鵪鶉嘅印象，肉質相當嫩，洋蔥焗得軟腍入味，芝士又唔會搶咗鵪鶉嘅味道，都真係幾鍾意呢道前菜。
· 龍蝦濃湯＋$10
話明係濃湯，龍蝦嘅味道真係相當濃郁，鍾意龍蝦湯嘅話我都會推薦加錢試一試。
· 波士頓龍蝦西班牙燉飯＋$40
飲完龍蝦湯都唔夠，仲要嗌多個龍蝦西班牙燉飯。燉飯粒粒分明，鍾意啲飯焦同埋莎樂美腸，而龍蝦肉質都彈牙，本身都焗到好香脆，所以好容易就開到殼食到肉。
· 招牌鮮雜果麻糬窩夫配雪糕 ＋$50
本身其實對套餐嘅甜品冇話好大期望，所以上枱嘅時候對於我嚟講都幾驚艷，無論係味道定係賣相都好唔錯，熱辣辣嘅窩夫真係相當好食，而且入邊仲有麻糬。吉士醬味道唔會好膩，雪糕提子乾味好濃，唔係啲平時成日食嘅味道嚟。
‣ 炭燒加拿大天然豬鞍 $269
雖然鍾意食海鮮，但係點樣都想食啲肉。肉汁鎖得好靚，天然嘅肉香同燒嘅香氣互相輝映，咬落去 juicy 又唔嚡口，鍾意佢啲肥膏都燒得好脆口，唔會話好似平時咁咬落去成口油。
张贴
