影片
更多
2022-01-17
355 浏览
好耐無嚟中環食晏，趁今日有人唔洗返工，專登過嚟試下呢間近排喺網上好 Hit 嘅美式餐廳「Sip & Slide」。據知餐廳係由人氣雞翼店「Wingman」主理，以多款配料講究嘅迷你漢堡作招徠。餐牌有超過 10 款不同口味嘅 Sliders，另外亦有沙律、配菜、甜品、飲品、二人及四人餐等可供選擇。我哋每人點左個 Triple Set ($128)，套餐包 1 客沙律、3 個迷你漢堡、1 款配菜同 1 杯飲品。沙律菜好新鮮，碧綠爽脆，調味亦恰好。配菜揀左 Sweet Potato Fries 同 Mexi-corn，番薯條大大碗，厚切即炸，份量十足，食落番薯味好突出，甜甜地，香脆乾身又唔油膩。粟米粒金黃飽滿，味道香甜，配料有紫洋蔥、番茄、菜粒和蔥花等，伴以淡忌廉和青檸汁，入口酸酸辣辣，充滿墨西哥風味。Sliders 有 6 款可供選擇，當中包括有 Classic、Miso Sakana、Texas Blu’s、Peking Quack、Mr. Porter 及 Fantastic Mr. Fungi，一次過試晒。Classic：和牛漢堡用料好豐富，內有芝士、生菜、番茄、洋蔥和醃漬小黃瓜，漢
好耐無嚟中環食晏，趁今日有人唔洗返工，專登過嚟試下呢間近排喺網上好 Hit 嘅美式餐廳「Sip & Slide」。
據知餐廳係由人氣雞翼店「Wingman」主理，以多款配料講究嘅迷你漢堡作招徠。
餐牌有超過 10 款不同口味嘅 Sliders，另外亦有沙律、配菜、甜品、飲品、二人及四人餐等可供選擇。
我哋每人點左個 Triple Set ($128)，套餐包 1 客沙律、3 個迷你漢堡、1 款配菜同 1 杯飲品。沙律菜好新鮮，碧綠爽脆，調味亦恰好。
配菜揀左 Sweet Potato Fries 同 Mexi-corn，番薯條大大碗，厚切即炸，份量十足，食落番薯味好突出，甜甜地，香脆乾身又唔油膩。
粟米粒金黃飽滿，味道香甜，配料有紫洋蔥、番茄、菜粒和蔥花等，伴以淡忌廉和青檸汁，入口酸酸辣辣，充滿墨西哥風味。
Sliders 有 6 款可供選擇，當中包括有 Classic、Miso Sakana、Texas Blu’s、Peking Quack、Mr. Porter 及 Fantastic Mr. Fungi，一次過試晒。
Classic：和牛漢堡用料好豐富，內有芝士、生菜、番茄、洋蔥和醃漬小黃瓜，漢堡扒好厚身，肉質鬆軟，肉味濃郁得嚟又帶少許牛臊味，牛迷必愛。
Miso Sakana：魚柳包賣相同樣吸引，魚柳以蘋果味噌醬醃製過，配料有椰菜、青瓜和火箭菜等，魚肉鮮嫩多汁，入口鹹甜交集，帶日式風味。
Texas Blu’s：漢堡包用上煙燻手撕豬肉做餡料，豬肉絲氣味好香濃，加上蘋果椰菜絲、生菜同醬汁，食落口感好豐富，惹味又 Juicy。
Peking Quack：手撕鴨肉包亦令人眼前一亮，鴨肉醃得好入味，啖啖鹹香；太陽鵪鶉蛋非常吸睛，富蛋香又有流心效果，將啲蛋汁撈埋鴨肉一齊食，滋味一流！
Mr. Porter 及 Fantastic Mr. Fungi：呢兩款都係素漢堡，前者用上大啡菇做餡料，而後者就夾入了 BBQ 蘑菇、啡菇肥大肉厚；蘑菇菇味香濃，再配上菠蘿、牛油果同菠菜，味道清新不膩。
套餐包凍檸檬茶同汽水，如果想點果汁/啤酒，則需要另 +$20/+$35。
一場嚟到，無理由唔食埋甜品先走，點左 Triple Chocolate Hazelnut Cake ($68)。件蛋糕都幾厚身，層次分明，面頭嘅鏡面好平滑，入口朱古力味很濃郁，帶榛果香，而且甜度亦啱啱好，為這頓午餐完美作結。
张贴
