kikusan

营业中

休息中

店內裝修有氣氛，仲可以透過透明的玻璃睇到上海麵同點心既製作過程，價錢相宜，吸引好多打工仔入內用餐，而我都唔例外。我地叫左個千層豬扒擔擔拉麵，錦繡天婦羅飯同埋雞肉小籠包。千層豬扒擔擔拉麵🌟🌟🌟個豬扒就唔錯嘅，用豬肉搭左幾層，食落幾有質感，個吉列豬扒皮亦唔算厚，我平時會淨係食入面塊豬扒，但今次都可以連皮食。不過我唔係好鍾意擔擔湯嗰種味，怪怪地，食到酸酸地，冇乜花生醬味。錦繡天婦羅飯🌟🌟🌟呢個賣相就好正，天婦羅好大個，好吸晴，打卡一流。呢個就朋友食，佢話都係正常，唔難食又唔係特別好食。雞肉小籠包🌟🌟🌟周圍都係用豬肉做嘅小籠包，呢度有雞肉，的確幾特別，所以叫咗黎試。但試完真係失望，個人覺得同平時食開既小籠包冇乜分別，不過勝在個皮夠薄，但我自己就覺得唔需要刻意叫黎試。