XOXO Café Lab (已結業)

慢，差，唔好食，份量少，無service仲要加一上星期五喺坑口搵食，見到呢間裝修靚靚哋，餐牌都ok，所以試吓⋯兩大一細，叫三樣嘢：沙律，pizza，芝士火鍋加三杯嘢飲應該差唔多。叫完嘢食好快來咗飲品同沙律，食完開始無嘢再上，睇住周圍啲食客表情，知道中晒招，個個都面燶燶⋯⋯等咗半個鐘都無嘢上，開始追，最初個waiter明顯hea我哋無跟，過十分鐘，再追先有人堅跟。最後等咗一個鐘先來pizza。食完pizza，又追多半個幾鐘先來埋個感覺未煮好的ribs+芝士火鍋。成餐飯勁追，等足兩個鐘，份量細，越食越肚餓，最後未食飽都唔咁再叫，唔想食到收舖。最差係成間餐廳得一個堅跟嘢同會道歉，其他個樣好似係佢係客我哋係service provider 咁。